ஊடக விளையாட்டு

ஆரஞ்சு ஒளி மைல்காட்டியில்

25,000 கி.மீ. பார்த்ததுமே பரவசமடைகிறேன் நான்...

தொடு கைபேசியெடுத்து புகைப்படம் எடுக்கிறேன்...

முகநூலில் பகிர்கிறேன்...

நண்பர்கள் கை உயர்த்தும் பொத்தானை அழுத்துகிறார்கள்...

“You are high on Road ;)” விமர்சிக்கிறாள் பணித்தோழி...

சுதாரித்து விழித்தபோது

மைல்காட்டியது 25,000.3 கி.மீ....

~ 

புன்னகைத்து தலை நிமிர்கையில்,

திடீரென நிறுத்திய ஒரு கனரக வாகனத்தை

வேகமாக விரைந்து முத்தமிடுகிறேன் நான்...

25,000.5 கி.மீ....

என் வண்டியின் இயந்திரம் பெருத்த ஓலமிடுகிறது...

~

 

குருதி வழிந்தோடும் ஓர் சாலையோர்த்தில்

உயிரிழந்து கிடக்கிறேன் நான்...

யாரோ ஒரு குறுந்தாடி இளைஞன்

இதை படமெடுத்து பகிர்கிறான்

“Fatal accident in OMR” என்று!!!